બલુન ઓકલુડેડ રેટ્રોગ્રેડ ટ્રોન્સવિનસ ઓબ્લીટરેશન (બી.આર.ટી.ઓ)

---

બી.આર.ટી.ઓ. પ્રક્રિયાના ૮ કલાક પહેલા કંઈ પણ ખાવું કે પીવું જોઈએ નહિ. રોજ – બરોજ જે દવાઓ લેતા હોઈએ તે પાણીના નાના ઘુંટડા સાથે લઈ લેવી જોઈએ.

• ડોકટર ગરદન કે પગની શીરા માં કેથેટર (પાતળી નળી) મુકે છે.
• ફલોરોસ્કોપી (એકસરે) ની મદદથી તે કેથેટર ડાબી કિડની અને હોજરી વચ્ચેની શીરાઓને જુથમાં લઈ જવામાં આવે છે.
• એકવાર કેથેટર પોતાની યોગ્ય જગ્યાએ પહોંચી જાય તો શીરા બંધ કરવાની પ્રક્રિયા શરૂ કરવામાં આવે છે.
• શીરા બંધ કરવા માટે એક ખાસ દવા ફુલેલી શીરામાં ઈન્જેકટ કરવામાં આવે છે. આ દવા ઈન્જેકટ કરવાથી શીરાની દિવાલ ઉપર સોજો આવી જાય છે. જયારે આ સોજો શમે છે ત્યારે એક સ્કારથી શીરા સંકોચાઈ જાય છે. આવી સંકોચાયેલી શીરા કયારેય પણ દબાણ વધવાથી ફુલતી નથી અથવા ફાટતી નથી.
• આખી પ્રક્રિયા માટે ર થી ૪ કલાકની જરૂર પડે છે.

પ્રક્રિયા પુરી થયા પછી એક દિવસ હોસ્પિટલમાં ગાળવો જરૂરી છે. જેનાથી દર્દીની રીકવરી ખુબજ સારી થતી હોય છે. પ્રક્રિયા કર્યા બાદ એક મહિના પછી સીટી સ્કેન કરીને જોવામાં આવે છે કે પ્રક્રિયા કેટલી સફળ રહી છે.

દર્દીને કયારેક પ્રક્રિયા બાદ થોડા ઉબકા, ઉલ્ટી અને સામાન્ય દુખાવો થાય છે. આ પ્રકારની પ્રક્રિયા પછી શરીર જે પ્રક્રિયા માંથી પસાર થાય છે તેનો સામાન્ય ભાગ છે. ભાગ્યેજ કોઈ કિસ્સાઓમાં, ગેસ્ટ્રીક વેરાઈસીસ માં લોહીનો અવરોધ થવાથી લીવર પર દબાણ ઘટવાને બદલે વધે છે.

• જાનલેવા રકતસ્ત્રાવને આ પ્રક્રિયાથી રોકી શકાય છે. ૩૦ થી પ૦ ટકા મૃત્યું પેલા હોજરીના વેરાઈસીસના ફાટવાથી થતા હોય છે.
• ભવિષ્યમાં થતા હોજરીના વેરાઈસીયલ હેમરેજ રોકી શકાય છે.
• લીવર ફંકશન ખુબજ સારુ થવા લાગે છે.
• ટીપ્સની સરખામણી માં હિપેટીક એન્સીફેલોપેથી (લીવરના વિકારતા ને કારણે મગજ પર અસર થવી) નું જોખમ ખુબજ ઘટી જાય છે.

• એન્ડોસ્કોપીક મેનેજમેન્ટ – મોઢેથી પેટમાં નળી પસાર કરી ગેસ્ટ્રીક વેરાઈસીસ માં બેન્ડીંગ કરવું તથા ગ્લુ ઈન્જેકટ કરવી.
• ટીપ્સ
• દવા આપવાથી સારવાર